Ekainaren 20an emango dute "Tras la ELA en vela", Alboko Esklerosi Amiotrofikoari ikusgarritasuna emateko egindako dokumentala

Unai Basurko, Iñaki Elorriaga eta Kepa Junkera. © TRAS LA ELA EN VELA

Iñaki Elorriaga 71 urteko getxoztarrak Alboko Esklerosi Amiotrofikoa (AEA) du, gaur egun senda ezin daitekeen endekapenezko gaitz hilgarria (ELA dira haren siglak gaztelaniaz). Iaz Fisterraraino (Galizia) belaontzian joatea eta bidaia dokumental batean jasotzea erabaki zuen, gutxi batzuek jasaten duten gaixotasun horren berri zabaltzeko. Eguenean emango dute Itzubaltzeta/Romoko Kultur Etxean, eta Elorriaga bera egongo da hizlari, besteak beste.

Elorriagagaz batera, Unai Basurko eta Jose Ramon Aurtenetxe nabigatzaileak, Kepa Junkera musikari eta Josu Martinez zinegilea joan ziren Fisterrara. Martinez izan zen, hain zuzen, dokumentala zuzentzeko eta ekoizteko ardura hartu zuena. Tras la ELA en velaren bidez, AEAk gaixoarengan duen eraginaren berri eman gura du Iñaki Elorriagak, eta nabarmendu "orain arte egindako ikerkuntza eskasak" ez duela eman hura sendatzeko modurik. Gaur egun 3.000 pertsona inguruk dute gaitz larri hori espainiar Estatuan; batez besteko biziraupena 3-5 urte artekoa da.

Dokumentala Itzualtzeta/Romo Kukrtuer Etxean erm,angop dute ekainarten 20an (eguena), arratsaldeko 18:00etan. Ilaki Eloorriagaz gainera, Carolina Ramírez Adela Bizkaia elkarteko presidentea eta Julio Gómez medikua egongo dira bertan. Zehazki, San Juan de Dios ospitaleko Zaintza Aringarrien Zerbitzuko koordinatzailea da Gómez.

Sarrera doakoa eta librea izango da, lekua bete arte.

Erlazionatuak

Getxoko Udalak harrera egingo dio "Pottoka"-ren elkartasun-eskifaiari

Getxo

Datorren astelehenean, ekainaren 11n, "Pottoka" belaontzia porturatuko da Getxoko Kirol Portuan. Bertan, eskifaiari harrera instituzionalak egingo ...