Udako jaiak 2019

Maite Mentxakaren 'Oliben jaia' kartela izango da Portu Zaharreko jaien irudia

Maite Mentxaka bere kartela aurkezten. © PORTU ZAHARREKO JAIAK

Bozketan parte hartu zuten 245 herritarrek erabaki dute zein izango den aurtengo Portu Zaharreko jaietako aurtengo kartela.

Algortako Portu Zaharreko jaietako kartel lehiaketan parte hartu duten 15 kartelak ikusi ahal izan ziren atzo, eguaztenean, Portu Zaharreko Etxetxun. Horrez gainera, bertaratutakoek jai-batzordeak izendatutako epaimahaiak aukeratu zituen 6 irudien arteko baten alde bozkatzeko aukera izan zuten.

Hala, bozketaren emaitza hauxe izan zen:

  • Oliben jaia - Maite Mentxaka Tena (65 boto). Lehenengo saria, 350 euro.
  • Mome - Jasone Molina (51 boto). Bigarren saria, 150 euro.
  • Zuri, Berde eta Gorri – Miguel Perera Gómez (47 boto).
  • Sardinera - Haizea Naiara Ansoleaga Fernández (45 boto).
  • Antzarrak - Egoitz Gallastegi Fullaondo (26 boto).
  • MI - Miren Saenz Conde (14 boto).
  • Zuriak (1 boto).

Hala, jaietako kartela Maite Mentxakaren Oliben jaia kartela izango da. Lehenengo eta bigarren sariez gain, parte-hartzea saritzekoak ere zozkatu ziren atzo. Pertsona birentzako otorduak Haizea Naiara Ansoleaga eta Jose Mari Saez irabazi zituzten.

Ohi bezala, kartelaren irudiagaz salgai jarriko diren kamisetak egingo ditu jai batzordeak.

Erlazionatuak

Gaur aukeratuko dute Portu Zaharreko jaien kartela

Getxo

Epaimahaiak sei finalista aukeratu ditu Portu Zaharreko jaiak irudikatzeko. Herri-bozketa 12:00etatik 20:00ak arte izango da Etxetxun; bertan, auke...