Euskadi literatur saria irabazi du Irati Elorrietak

Irati Elorrietak irabazi du euskarazko literaturaren sari nagusia.

Irati Elorrieta Agirre (Algorta, 1979) idazleak jaso du Euskadi literatur saria, euskarazko literaturaren atalean, Neguko Argiak lanagatik. Adiskidetasun-harremanak dira lan horren ardatzetako bat, eta Berlin haren kokapen nagusia. Izan ere, algortarrak urte mordoa daramatza han bizitzen.

Eusko Jaurlaritzak atzo iragarri zituen Euskadi literatur sarien lehenengo irabazleak. Hala, euskarazko literaturaren atalean, Irati Elorrietari (Bilbo, 1979) eman diote Neguko Argiak lanagatik. Epaimahaiaren arabera, eleberri horrek "merezimendu osoz" irabazi du aurtengo sari nagusia. Pertsonaien arteko harremanak dira kontakizun horren ardatza, baina baita Berlin Alemaniako hiriburua ere, bertan kokatzen delako istorioa.

Haur eta gazte literaturako lanen atalean, Patxi Zubizarretak jaso du saria, Korri, Kuru, korri! lanagatik. Asisko Urmenetak, aldiz, AztiHitza: Xahoren biografikoa liburuan egindako ilustrazioengatik saria irabazi du.

Hala, 18.000 euro jasoko ditu saridun bakoitzak, eta aukera izango dute euren lanak itzultzeko 4.000 euro eskuratzeko ere.

Gasteizko Artium museoan jakinarazi zituzten atzo aurtengo sarituak. Banaketa ekitaldi ofiziala, ordea, azaroaren 18an egingo dute, Donostiako Tabakaleran.

Erlazionatuak

Irati Elorrieta Agirre: "Bizi izan ditudanak ere eleberrian daude"

Getxo

Hamar urteren ostean, bigarren liburua plazaratu du Irati Elorrieta Agirre (Algorta, 1979) idazleak, Pamiela argitaletxearen eskutik: "Neguko argia...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun