Maren Goienaga

"Aitzakia bat baino ez badugu behar, egin dezagun lehen hitza beti euskaraz"

C.D. Galean euskara sustatzeagatik saritu zuten atzo Maren Goienaga Madariaga entrenatzaile gaztea. Muxikebarrin ospatutako ekitaldian egindako X. edizioaren saria Ibon Garagartza artista gazteak egindako eskultura izan zen berriro.

Amaia Agirre Getxoko alkateak entrenatzaile gaztea zoriondu zuen, euskara egunerokotasunera eramaten duelako, kirol mailara eta lagunartekora, eta nabarmendu zuenez, “sariarekin giro informalean ari diren hainbat eta hainbat pertsonen ahalegina saritu eta prestigiatu nahi du Udalak". Alkateak esan zuen etorkizunera begiratzen duenean horrelako adibide asko ikusten dituela, "bakoitzak nahi duen esparruan, nahi duen jardueran euskaraz ere egin ahal izateko aukerak ematen dituen Getxo bat ikusi nahi izango nuke eta hori Marenek eta beste askok argia ereiten ari direlako emango da".

Maren Goienagak, bere aldetik, eskerrak eman zizkien gurasoei, lagunei eta kirol familiari, eta nabarmendu zuenez, "gehienok aitzakia bat besterik ez dugu behar euskaraz hitz egiteko, eta aitzakia hori lehen hitza euskaraz egitea bada, euskaldunok egin dezagun euskaraz gure artean".

Erlazionatuak

Maren Goienaga C.D. Galeako entrenatzaileak jasoko du 2019ko Argia Ereiten Euskara Saria

Getxo

Euskararen erabilera sustatzea onartzen duen sariak entrenatzaile gaztearen jarrera goraipatu gura du, "bere bizitza pertsonalean zein kirol ibilbi...