Itzubaltzeta III gaztetxea uzteko eskatu die Getxoko Udalak gazteei

© ITZUBALTZETA GAZTETXEA

Getxoko Gobernu-taldeak (EAJ-PSE) azaldu duenez, elkarrizketarako eskua luzatuta eusten die Itzubaltzeta III gaztetxea okupatu dutenei.

Joan den zapatuan, hilaren 15ean, Itzubaltzeta/Romoko Lope de Vega kalean kokatuta dagoen euskaltegi zaharra okupatu zuten dozenaka lagunek, bertan gaztetxea sortzeko asmoz. Udal-arduradunek gogoratu dute okupazio hori "legez kanpokoa" dela eta bertatik alde egiteko eskatu die, "legezko neurri egokiak ez hartzeko". Gobernu-taldeak gogoratu du "denboran zehar Udalaren eta Itzubaltzetako gazteen artean etengabeko lankidetza" egon dela eta akordio batera heldu ahal izateko harremanetan segitzeko asmoa duela adierazi du: "elkarrizketari eskua luzatuta eusten diogu".

Gaztetxeko kideek domekan egindako prentsaurrekoan azaldu zutenez, Itzubaltzeta II gaztetxea zena boluntarioki utzi zuten gazteek, Errekagane inguruko urbanizazio-lanak egin ahal izateko. Garai horretan, negoziaketak abiatu zituzten Udalagaz, eta eraikina erre ondoren, azpiegitura berria eraikitzeko proiektua onartu zutena gogoratu zuten: "Lehiaketa behin bukatuta, planoak kaleratu eta ikusarazi zizkiguten horiei moldaketak egiteko". Hala ere, deitoratu zutenez, "eraikitzeko proiektu hori bertan behera geratu da, euren interes falta dela eta". Hori dela eta, utzikeria horri aurre egin guran, auzo horretako gazteek euskaltegi eta kultur etxe zaharra hartzen zuen eraikina okupatzea erabaki zuten.

Erlazionatuak

Itzubaltzetak gaztetxe berria du

Getxo

Itzubaltzeta/Romoko Lope de Vega kaleko 12. zenbakia daraman eraikina okupatu zuten zapatuan, otsailaren 15ean, auzo horretako gazteek; hala, euska...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun