Trafikoari eragingo diote eskola-inauteriek Algortan, Areetan eta Itzubaltzeta/Romon

Iker Rincon Moreno 2020ko ots. 20a, 13:13

Eskolako inauteriak direla eta, bihar, barikuan, hainbat kalejira egingo dituzte udalerrian; hori dela eta, trafikoari eragingo diote Algortako, Areetako eta Itzubaltzeta/Romoko auzoetan.

Itzubaltzeta/Romori dagokionez, ibilgailuen zirkulazioa moztuko da desfilea igarotzen den kaleetan, eta alboko kaleetatik desbideratuko da. Ibilbidea 10:30etik 12:00etara izango da, Romo Ikastetxe Publikoaren sarreratik abiatuko da eta Gobelaurre, Ezequiel Agirre, Kresaltzu, Gorbeia, Gobelaurre eta Luis Lopez Osesetik igaroko da.

Algortan ere, desfilea egingo dute 10:30etik 12:00etara, eta ibilgailuen zirkulazioa eten egingo da hurrengo ibilbide honetan: Sarrikobasoko biribilgunea (Redentor kalearen ondoan), Sarrikobaso, Algorta etorbidea, Mariandresena, Telletxe, Algorta etorbidea eta San Nikolas plaza.

Azkenik, Areetan, Divino Pastor ikastetxeko desfilea arrastian egingo dute, 15:30etik 16:30era. Ibilbide dinamikoa izango da; ondorioz, zirkulazioan mozketak egingo dituzte eta noizean behingo auto-ilarak sortuko dira, martxa igaro ahala, honako puntu hauetan: aipatutako ikastetxeko irteera -Gobela kaleko 17.ean-, Bidebarrieta, Nagusia, Arlamendi, Las Mercedes, Amistad, Mayor, Santa Ana eta Gobela kaleetan; azken horretan amaituko da desfilea, ikastetxean bertan.

Kultura Getxo

Erlazionatuak

Getxoko tabernek ordu bi beranduago itxiko dituzte ateak inauterietan

Erredakzioa 2020 ots 18 Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun