Koronabirusa Uribe Kostan

Irailaren 18ra atzeratu du Getxoko Udalak Revolver taldearen kontzertua

Getxoko Kultur Etxeak data berria jarri du biharko, martxoak 27, Muxikebarri zentroan programatuta zegoen Revolver taldearen kontzerturako. Izan ere, saio hori bertan behera geratu zen, Covid-19aren epidemiaren ondorioz ezarritako alarma egoera dela eta.

Carlos Goñi buru duen taldea irailaren 18an arituko da, leku eta ordu berean (Muxikebarri zentroa, 20:00etan) eta sarrerak salgai egongo dira alarma egoera amaitu eta gero, 25 euroan.

Revolver talde ospetsuak "Revólver, 30 años" bira abian jarri du azken hiru hamarkadetan bandaren ospea bultzatu duten abestiakaz, eta baita hain ezagunak ez diren baina taldekideentzat garrantzi handia duten kantakaz ere. Saioan ez dira faltako sorpresak eta horri esker biraren kontzertu guztiak desberdinak izango dira.

Erlazionatuak

Kultur eta kirol-jarduerak bertan behera utzi ditu Getxoko Udalak, baita zenbait gune publiko itxi ere

Getxo

Datozen egunetarako programatuta zeuden jendaurreko ekitaldi eta jarduera ugari bertan behera utzi ditu Getxoko Udalak, koronabirusaren zabalkundea...