Aurreko urteetan legez, uztailaren 1etik 31ra bitartean egitekoa zen Euskarabentura, gazteek euskal kultura eta historia ezagutzeko espedizioa, baina COVID-19 pandemia dela eta, momentuz ekimena atzeratzea erabaki dute antolatzaileek. Maulen hasi eta Getxon amaitzen da ibilbidea.
Behin-behinean, abuztuan egitea aurreikusi dute, baina pandemiaren bilakabidearen arabera jokatuko dute betiere. Baliteke, honenbestez, aurtengo Euskarabentura bertan behera uztea. Behin betiko erabakia maiatzaren amaieran hartuko dute antolatzaileek, "une horretan indarrean dauden neurri eta aholkuak" aintzat hartuta.
Aurtengo espediziorako hautatuen zerrenda apirilaren 15ean ematekoa zuten, baina hori ere maiatzaren 31ra atzeratu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!