Adinekoentzako Jesusen Bihotza Udal Egoitzako beste lau egoiliarrek positibo eman dute koronabirusaren probetan, Getxoko Udalak zabaldu duenez. Hala, aurreko asteko hiru kasuak kontutan hartuta, zazpi dira egoitza horretan Covid-19ko kutsatuak.
Kasu positiboak eman diren solairuetako pertsonak isolatuta daude beren logeletan, eta gaurtik aurrera, eguaztena, Covid-19ko testa egingo zaie bertan bizi diren guztiei (82 egoiliar dira denera).
Era berean, Osakidetzak ezarritako protokoloari jarraituz, gaurtik aurrera ere testak egiten hasiko zaizkie Jesusen Bihotza egoitzako erabiltzaileakaz harremanetan dauden langileei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
