Ertzaintza gaztetxera sartu baino ordu batzuk lehenago, bilera egin dute udal-ordezkariek eta gaztetxekoek, gune autogestionatua dagoen euskaltegi zaharraren eraikina desinfektatzeko planteamenduaren inguruan berba egiteko asmoz. Horren aurrean, Udalak argi utzi gura izan du eraikina udal-jabetzako ondasuna dela eta berari dagokiola gune hori desinfektatzea, "horretarako homologatutako baliabide material eta produktuekin". Hala, Udalak iragarri du egokitzat jotzen dituen neurriak hartuko dituela berehala, inor eraikinera sar ez dadin eta inork erabil ez dezan, baita itxita jarrai dezan ere.
— itzubaltzeta (@UgamboIaki) May 11, 2020
Gaztetxeko kideen eta udal-ordezkarien arteko bilera amaitu ostean, lehenbizikoak gaztetxera joan dira eta han topatu dituzte hainbat udal-langile, Nagusien Etxeko atearen sarraila aldatu guran. Ez dute lortu, eta Ehunka lagun elkartu dira kanpoaldean, udal-langileen eta udaltzainez gain, eta gerora Ertzaintza ere hurbildu da. Azkenik, horiek sartu dira eraikinera, hura kudeatzen duten gazteen esanetan "oso oldarkor jokatuz".
