Ordu batzuk lehenago Getxoko Udalak adierazitakoaren ildotik, aurtengo Paella Lehiaketa ezin izango dela ohiko moldean egin gogorarazi du Itxas Argia taldeak. Elkarteak esan du daborduko lanean dabilela, COVIDak ekarri digun errealitatera egokituta egun horretan jaia egiteko moduren bat bilatzeko.
Uztailaren 25ean Nazioarteko Paella Lehiaketaren 65. edizioa zelanbait "aurrera ateratzeko" asmoa du Itxas Argiak. Izan ere, herritarrei adi egoteko eskatu diete, "gure berrien zain", lehenbailehen aurtengo edizioko egitaraua plazaratzeko asmoa dute eta.
"Bide batez", gaineratu dute, "animatzen zaituztegu urtero egiten duzuen bezala aurten ere Paelletan parte hartzera; adi egon gure komunikazio-bideetan argitaratuko ditugun oharrei".
2020 mai 20
Getxo
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!