Datozen egunotarako antolatutako mintegietan parte hartzeko izena eman daiteke daborduko. Jarduera denak online izango dira, 18:00etatik aurrera, eta lehenengoa ekainaren 3an, eguaztenean, izango da. Horretan, kazetaritza, sare sozialak eta buloen inguruan jardungo dute, Andres Jimenez Maldita.es hedabideko kazetariak gidatuta.
Bestalde, Paula Guerra Madrilgo SOS Arrazakeriako presidenteak ekainaren 10eko mintegian parte hartuko du, osasun-alarmako egoeran dauden arrazakeria-geruzei eta herritarren estrategiei buruz hausnartzeko, Zurrumurruen aurkako diskurtso sendo bat egin ahal izateko.
Bi mintegiak 18:00etan hasiko dira, Zoom aplikazioaren bidez.
Azkenik, ekainaren 17an, 17:30ean, Asier Gallastegik dinamizatutako topaketa birtuala egingo da (Zoomen bidez ere), Zurrumurrurik Ez Estrategiaren ibilbidea eta etorkizuna aztertzeko.
Hiru jardueretarako izena emateko, antirumores@getxo.eus helbidera bidali behar da mezu bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
