Koronabirusa Uribe Kostan

Pertsona kalteberen artean 70.000 maskara kirurgiko banatuko ditu Getxoko Udalak

Artxiboko irudia. CC BY SA-DANI BLANCO /ARGIA

Getxoko Udalak 70.000 maskara kirurgiko banatuko ditu udalerriko pertsona kalteberen artean, "babes-neurriakaz konfinamendutik ateratzen laguntzeko eta normaltasun berrira itzultzean haien segurtasuna zaintzen laguntzeko", arduradunek zabaldu dutenez.

Getxoko Etxez Etxeko Laguntza Zerbitzuak 15.000 maskara jasoko ditu 250 etxebizitzetako erabiltzaileen artean banatzeko; tutoretzapeko apartamentuetako erabiltzaileek 3.000 jasoko dituzte; udal-egoitzako etxebizitza komunitarioko egoiliarrek 700 maskara izango dituzte; Bazterketa-zerbitzuek (Caridad kaleko eta Andra Mariko aterpetxeetako gaueko harrera) 3.000 maskara; Eguneko arreta-zerbitzuek 1.300; 10.000 maskara banatuko dira ke-detektagailu bat instalatuko zaien adineko pertsonen artean eta Gazte-zerbitzuetako erabiltzaileen artean (Gazte-lonjak, Gaztelekuak...).

Bestalde, Sortarazi, Gurutze Gorria, Caritas eta DYA erakunde laguntzaileek 5.000 maskara bana jasoko dituzte, eta San Nikolas parrokiak eta Hijas de la Caridad erlijiosoek 1.000 bana, zaintzen dituzten familien eta pertsonen artean bana ditzaten. Aldi berean, Sarekidek 10.000 maskara jasoko ditu, beharren arabera udalerriko elkarteen artean banatzeko.

Erlazionatuak

Getxoko Udalak 1.300 aurpegi-pantaila banatuko dizkie ile-apaindegiei

Getxo

Getxoko Udalak 1.300 aurpegi-pantaila banatuko ditu gaur, eguenean, ile-apaindegietarako eta estetika aretoetarako. Gainera, 18.000 maskara eta 300...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun