Koronabirusa Uribe Kostan

Barikuan irekiko dituzte Fadurako kanpoko igerilekuak

Fadurako kanpoko igerilekuak. © GETXOKO UDALA

Udal-arduradunek azaldu dutenez, osasun-agintariek ezarritako gidalerroak jarraituko dira; hala, aldez aurretiko hitzordua hartzeaz gainera, edukiera mugatu egingo dute. Erreserba-mota bi egongo dira: : ordubeteko erreserba bat soilik igerileku olinpikoa erabiltzeko; eta beste erreserba bi ordukoa, igerilekuak erabiltzeko eta berdeguneetan egon ahal izateko. Erreserbak soilik egin ahal izango dituzte Getxo Kirolakeko abonatuek. Aldez aurretiko zita hartzeko, Getxo Kirolak-en web orrialdera jo daiteke, aurrez aurre ere Faduran bertan edo 944 308 070 telefonora deituta.    

Udako denboraldian ohikoa denez, igerileku olinpikoaren ordutegia 7:30etik 21:30era izango da, eta haurren igerilekuak eta berdeguneak 10:30etik 21:30era egongo dira irekita, asteko egun guztietan. Kafetegiko eta jatetxeko zerbitzua, bestalde, 11:00etatik 19:00etara irekiko dute.

Abonatuen premia ezberdinak artatzeko helburuagaz, 7:30etik 10:30era 4 kale gordeko dira 65 urtetik gorako pertsonentzat edo premia bereziak dituztenentzat; eta 10:30etik aurrera, 4 kaleak kendu eta uretako eremu libre bat jarriko da jolaserako. Kale bakoitzean gehienez 4 pertsona ibili ahal izango dira igerian. Oraingoz, kale bakoitzean gehienez 4 pertsonak egin ahal izango dute igeri, baina baliteke laster kopuru hori handitzea.

COVID-19ak eragindako osasun-krisiaren ondorioz dauden murrizketak direla eta, dutxarik gabeko aldagela eta bainugela kopuru mugatua egongo da. Horregatik, eremu horien garbiketa-lanak maiz egingo dira, eta abonatuek eskura izango dute eskuak desinfektatzeko gela. Armairuak eta lehorgailuak ere ez dira erabilgarri egongo.

Kanpoko igerilekuak ekainaren 19tik irailaren 13ra arte egongo dira zabalik, eta horrez gainera, pasa den ekainaren 1etik aurrera erabil daitezke Fadurako atletismoko pista, belodromoa, belar artifizialeko erabilera anitzeko kantxa, saskibaloiko kantxa estali gabeak eta estali gabeko tenis eta padel pistak. Instalazio horiek erabiltzeko ere aurretiko erreserba egin behar da.

Erlazionatuak

Udako igerilekuen betetze-maila kontrolatzeko aplikazioa sortu dute

Uribe Kosta

Igerilekuetako okupazio-mailak kontrolatzeko eta horien berri erabiltzaileei emateko aplikazioa sortu du BiscayTIK Fundazioak: AurreTIK. Tresna hor...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun