Koronabirusa Uribe Kostan

Bertoko ekonomia suspertzeko GetxoBono kanpaina indartu du Getxoko Udalak

Bihar, eguenean, 55.040 GetxoBono salgai jarriko dira udalerriko komertzio, ostalaritza eta enpresetan kontsumoa sustatzeko eta suspertzeko, "Berton erosi!" kanpainaren barruan. GetxoBono 2020 kanpainak urriaren amaierara arte iraungo du, edo bonuak agortu arte.

COVID-19aren pandemiak ekonomian izan dituen ondorioen ondoren negozioek bizi dituzten inguruabarrak kontuan hartuta, abian jarri da ekimena, baina oraingo honetan bonuek bolumen handiagoa eta iraupen luzeagoa izango dute, eta zenbatekoak ere desberdinak izango dira.

Getxoko establezimenduetan kontsumituz saltokiak, ostalaritza eta enpresak berraktibatzen lagundu gura dutenek bonuak hemen eros ditzakete: Kutxabanken webgunean https://tickets.kutxabank.es (bonuak etxean inprimatuta) edo zuzenean Kutxabanken kutxazainetan eskuratu ahal izango dira, edozein kreditu- edo zordunketa-txartel erabiliz. 40 euroko bonuak egongo dira 50 euroko kontsumoak egiteko eta 20 eurokoak 25 euroko kontsumoak egiteko, eta txartel bakoitzeko gehienez 4 bonu erosi ahal izango dira.  

Bonuak kontsumitu ahal izango dira txikizkako merkataritzan, ostalaritzan edarien kontsumo ez-esklusiboetarako, ile-apaindegietan, edertasun-aretoetan eta Getxo 2020 planetan zerbitzuak eskaintzen dituzten aisialdiko enpresetan.

 

Erlazionatuak

Getxobonoa sortzeko proposamena aurkeztu du EH Bilduk

Erabiltzailearen aurpegia Getxo

Herriko dendei bultzada emateko asmoz, udako "Getxobono" berezia sortzeko proposamena aurkeztu du Getxoko EH Bilduk.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun