Hainbat auto kaltetu dituzte Arrigunaga inguruan

Getxoko Arrigunaga inguruan aparkatuta zeuden 13 ibilgailu kaltetu zituzten joan den aste-akabuan. Getxoko Udalak HIRUKAri jakinarazi dionez, daborduko jabeak salaketak jartzen hasi dira; Udaltzaingoak, bestalde, ikerketa abiatu du gertakaria argitzeko eta egilea edo egileak atzemateko.

Gutxienez, Arrigunaga hondartzaren inguruan aparkatuta zeuden 13 ibilgailu kaltetu zituzten joan den aste-akabuan. Iturrien arabera, jazoera zapatu goizaldean izan zen. Ez da lehenengo aldia mota honetako gertakariak atzematen direnak inguruotan; joan den otsailean ere Arrigunagako eta inguruetako hainbat kaletan 60 ibilgailuri nahita eragindako kalteen ustezko egilea atxilotu zuten. Kasu horretan 53 urteko Algortako bizilaguna zen eta gertakariak aitortu zituen. Autoetan eragindako kalteak 50.000 euro ingurukoak izan ziren eta 52 salaketa aurkeztu ziren.

Oraingo honetan ere, Udaltzaingoak ikerketa abiatu du gertakaria argitzeko.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun