Bidegorria ezarri dute Zugazarte etorbidean

© GETXOKO UDALA

Bizikletaren erabilera eta COVID-19agatik ezarritako urruntze soziala bultzatzeko bidegorria ezarri dute gaurtik, barikutik, aurrera Areetako Zugatzarte etorbideko errei batean. Hasteko, proba moduan jarri da martxan eta nola funtzionatzen duen ikusiko da. Bidegorri berria eguneroko mugikortasunerako errei bat izango dela azaldu du Getxoko Udalak; kaitik doanak, berriz, aisiari lotuta segituko du.

Bidegorriak kaiko pasealekutik hurbilen dagoen erreia hartzen du Triangelutik José Luis de Ugarte kaleko bidegurutzeraino (joan-etorrikoa izango da), eta ondoko erreia utzi da gainerako ibilgailuak erabiltzeko (Areetako noranzkoan, gaur egun bezala). Beraz, bidegorriak Avanzadatik Neguri-Romogaz eta Zugazartetik Areetako etorbideagaz lotzeko aukera ematen du (Areetako etorbidea 30 km/h-ko gunea da duela egun batzuetatik). Gainera, kaiko pasealekuan dagoenarekin lotzen da.

Etorkizuneko ordenantza

Getxoko Hiri Mugikortasun Iraunkorrerako Planaren (2017-2030) helburuak lortzeko, beharrezkoa izango da, gainera, arrazoizko epe batean, bidegorrien erabilera arautuko duen ordenantza bat izatea, behar den mugikortasun berriaren barruan. Horrek eguneroko bizimoduan funtsezkoak diren leku eta zerbitzuetarako mugikortasun eta irisgarritasun handiagoa erraztu beharko du, ahalik eta segurtasun handienagaz, ingurumenari (tokikoa eta globala) ahalik eta gutxien eraginda eta gizartean ahalik eta gehien integratuta.

Etorkizuneko araudi horren helburuak hauek izango dira: ibilgailu pribatuaren erabilera murriztea, oinezkoen mugikortasuna gehiago erraztea, garraio publikoaren ahalmenak aprobetxatzea, bizikletaren eta NMI (Norberaren Mugikortasunerako Ibilgailuak) sustatzea, eremu publikoan ibilgailuen presentzia murriztea, banaketa-lanak erraztea, ingurumen-inpaktuak murriztea eta segurtasuna areagotzea.

Erlazionatuak

Bizikleten erabilera errazteko bidegorria egingo dute Zugazarte etorbidean

Getxo

Areetako Zugazarte etorbideak bidegorri bat izango duela aurreratu dute gaur, eguenean, Getxoko ohiko osoko bilkuran. Horrez gainera, udal-gobernua...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun