Etxetxuren segurtasuna bermatzeko lanak laster hasiko direla esan dio Udalari eraikinaren ugazabak

Algortako Portu Zaharreko Etxetxu eraikina babestearen aldeko sinadura-bilketa hasi eta egun gutxira, Getxoko Udalak azaldu du obrak berehala hasteko asmoa adierazi diola haren ugazabak. Momentu honetan zurkaiztuta dago Etxetxu, eta hesi bat dago beraren inguruan, segurtasuna bermatzeko. Obrek zortzi hilabete irautea aurreikusita dago, eta amaieran zabalik geratuko da arkupea, orain bezala, erabilera publikorako. 

Otsailean zurkaiztu zuten Etxetxu, Udalaren aginduz, "baina obrak hasten ez zirenez, udal-arkitektoak ikuskapena egin zuen, eta ondoren, uztailaren 6tik 10era bitarteko astean, egoeraren txostena egin zuen, eta eraikinaren perimetroa hesitu zuen, kalteak saihesteko", udal-iturrien esanetan.

Uztailaren 15ean ugazabari aurrez aurre jakinarazi zitzaion lehenbailehen ekin behar ziola eraikinaren kontserbazioa eta segurtasuna bermatzeari. Herenegun, berriz, arkitektoagaz eta lanak egingo dituen enpresagaz batu zen ugazaba, eta obra hastear dagoela adierazi zuen.

Erlazionatuak

Algortako Portu Zaharreko Etxetxu eraikina babesteko sinadura-bilketa abiarazi dute

Getxo

Portu Zaharreko hainbat herritarren ekimenez, auzo horretako Etxetxu erakina babestea eta erabilera publikoa ematea eskatzeko sinadura-bilketa hasi...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun