Getxophoto jaialdian parte hartu ahal izateko argazkiak bidal daitezke

Getxophoto irudi-jaialdian parte hartu gura duenak aukera du bere argazkia bidaltzeko. Gaia "Kalera itzuli" izango da eta interesatuek bihar arte (abuztuak 2) izango dute parte hartzeko aukera.

Irailaren 3tik 27ra egingo dute Getxophoto irudi-jaialdiaren hamalaugarren edizioa. Orain arteko Getxophotorik "kalekoena, digitalena eta parte-hartze handienekoa" izango dela azaldu dute antolatzaileek. Azken ildo horri lotuta, gura duenak "Kalera itzuli" gaiari lotutako argazkia bidal dezake jaialdian parte hartu ahal izateko. Denera 41 argazki aukeratuko dituzte eta Algortako Dendak elkarteko hainbat erakusleihoetan jarriko dituzte. Horrez gainera, gida bat argitaratuko dute irabazi duten argazkiakaz eta horiek jasoko dituzten saltokien berri ematen dutenak.
 
Parte hartzeko izen-emate orrialdea bete beharko da eta argazkia getxophoto@gmail.com helbidera bidali abuztuaren 2ra arte.
Erlazionatuak

Getxophoto, inoiz baino kalekoagoa

Getxo

Irailaren 3tik 27ra egingo dute Getxophoto irudi-jaialdiaren hamalaugarren edizioa, eta hura ere, bertan behera geratu ez diren gainerako kultur ek...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun