Koronabirusa Uribe Kostan

"Ez zaitezte portura jaitsi, gure jaien arima eta irudia izan zaitezte berriro. Datorren urtean denok behar zaituztegu"

Algortako Portu Zaharreko jaiak, artxiboko irudian.

Egunotan ospatzekoak ziren festak bertan behera uztea eta bestelako ekitaldirik ez proposatzea erabaki du Portu Zahareko jai-batzordeak. Era berean, portura ez jaisteko deia egin du: "Portua bizitzaz bete eta gure jaien arima eta irudia zareten bezala, aurten, portua bizitzaz bete dezazuen eskatzen dizuegu, baina alderantziz, ez joanda, ez kolapsatuz".

Algortako Portu Zaharreko jai-batzordeko kideek adierazi dutenez, azken urteetako erabakirik "zailenetako" bat hartu behar izan dute COVID-19aren pandemiaren eraginez: programatutako festak bertan behera uztea. Erabaki hori babestu eta errespetatzeko deia egin diete herritarrei, portuko biztanleen osasuna bermatze aldera: "Jar dezagun bizitza gure lehentasunen erdigunean, eta eman dezagun gure auzoarekiko, bere inguruarekiko, idilikoa bezain berezia den inguruarekiko eta gurasoekiko errespetuzko eta ardurazko irudia, eta ez ditzagun gauzatu pertsonen eta portuko biztanleen osasuna arriskuan jar dezaketen jaiak, ekitaldiak edota probak".

Portu Zaharreko jai-batzordearen oharra, osorik:

Kaixo auzotarrak:

Urte atipikoa da, inork bizi beharko ez genukeen osasun-krisi batek markatutako urtea. Elkartasuna adierazi nahi diegu berreskuraezinak diren galerak izan dituzten pertsona guztiei, lehen lerroan egon diren guztiei, modu batera edo bestera zaindu gaituzten guztiei, egoera ekonomiko zalantzagarri eta iraunkorra bizitzen ari direnei, eta eskerrak eman nahi dizkiegu biztanleei hilabete guzti hauetan egin duten ahaleginagatik, konfinamenduarekin, errealitate berrira egokitzearekin.

Izan ere, argi daukagu pertsonen osasuna dela garrantzitsuena, osasuna eta bizitza ororen gainetik.

Lehentasun hori oinarri hartuta, gure nortasun-ezaugarriari eusteko beharretik, hau da, aldirietako eta harremanetarako jaiei dagokienez, eta urtez urte jaiekiko eta jaietarako denbora, ahalegina eta ilusioa eskaintzen dugunok gure gain hartu behar dugun erantzukizunetik, Portu Zaharreko jai-batzordeak azken urteetako erabakirik zailenetako bat hartu behar izan du, gure historian ez esatearren: programatutako jaiak bertan behera uztea eta jaialdirik ez egitea, musuzapirik ez, ezta portuan ekitaldi alternatiborik proposatzea ere.

Ekitaldi alternatiboak, pertsona taldeak, ingurune berezi honetan, bere bazterrekin, kalexka estuak, taberna eta jatetxe txiki eta gutxi batzuk jendetza erakar ditzaketenak, pertsonak arriskuan jar zezakeen, eta horregatik ez zitzaigun zuhurrena iruditzen.

Hori dela eta, Portuko "Portuzarra" auzo-elkartearen eta auzoko ostalaritzaren babesarekin, berriz ere zuen laguntza eskatzen dizuegu, eta urtero, jai bakoitzean zuen presentzia eta partaidetzarekin, Portua bizitzaz bete eta gure jaien arima eta irudia zareten bezala, aurten, Portua bizitzaz bete dezazuen eskatzen dizuegu, baina alderantziz, ez joanda, ez kolapsatuz. Ez zaitezte Portura jaitsi, gure jaien arima eta irudia izan zaitezte berriro. Datorren urtean denok behar zaituztegu.

Jai-batzordeak hartutako erabakia babestu eta lagundu dezagun. Jar dezagun bizitza gure lehentasunen erdigunean, eta eman dezagun gure auzoarekiko, bere inguruarekiko, idilikoa bezain berezia den inguruarekiko eta gurasoekiko errespetuzko eta ardurazko irudia, eta ez ditzagun gauzatu pertsonen eta portuko biztanleen osasuna arriskuan jar dezaketen jaiak, ekitaldiak edota probak.

Hasieran esan dugun bezala, aurtengoa urte atipikoa da, baina guztion lankidetzarekin eta ulermenarekin gainditu egingo dugu, eta datorren urtean gure jaiez gozatuko dugu.

Gero eta gutxiago geratzen da eta horretan ari gara!

Erlazionatuak

Getxoko udako jaiak, bertan behera

Getxo

Aurtengo jaiak irailera arte bertan behera uztea erabaki du Getxoko Udalak. COVID-19ak eragindako larrialdi-egoera eta aire librean jarduerak egite...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun