Koronabirusa Uribe Kostan

Amaia Agirre alkateak azpimarratu du "oso garrantzitsua" dela harreman sozialak gutxitzea

COVID-19a Getxon hedatzearen kontra borrokatzeko herritarren laguntza eskatu du berriro ere Amaia Agirre alkateak. Izan ere, Osasun Sailaren azkenengo datuen arabera, udalerrian erregistratutako kasuak ugaritu egin dira egunotan. "Asintomatikoen hazkundea handia izaten ari da, kutsatze sakabanatu eta askotarikoak dakartzana", azaldu dute udal-iturriek.

Amaia Agirrek getxoztar denen erantzukizuna eta lankidetza eskatu gura ditu neurri ezagun eta eraginkor batzuetan, COVID-19ak eragindako kutsatzeak moteltzen saiatzeko, “konfinamendu, gaixotasun eta heriotzen garai gogor eta zailetara itzuli beharrik ez izateko”.

Azaldu duenez, neurri ezagunak dira, "zailtasunik gabe bete ditzakegunak eta eguneroko bizitzarako ezinbestekoak direnak":

  • Maskara nahitaez erabiltzea.
  • Eskuetako higienea zaindu.
  • Behar den distantzia soziala mantentzea.
  • Aglomerazioak saihestea.
  • Arreta berezia izan arrisku handieneko taldeakaz eta, batez ere, adineko pertsonak zaintzen dituztenakaz.

Amaia Agirrek azpimarratu du oso garrantzitsua dela harreman sozialak gutxitzea sektore, adin eta ingurune guztietan. Era berean, adierazi du arreta berezia jarri behar dutela oporretatik itzultzen ari direnek, datozen egunetan beraien kontaktuetan muga bat izan dezaten. "Funtsezkoa da hainbat gunetan emaria kontrolatzen laguntzea".

Amaia Agirrek gogoratu duenez, bestalde, “Udaltzaingoa eta Ertzaintza, Udaleko zerbitzuekin eta Eusko Jaurlaritzako Osasun Sailarekin batera, giza baliabide eta baliabide tekniko guztiak jartzen ari dira herritarren eskura pandemia hau aurrera egiten ari baita. Baina beharrezkoa da gu guztion lankidetza, gizarte-kontzientzia eta erantzukizuna; getxotar guztiena, COVID-19aren kutsatzeari aurre egiteko”.

Erlazionatuak

Berango eta Erandio ere, eremu gorritik kanpo

Uribe Kosta

Apurka-apurka alarma gorritik ateratzen hasi dira Uribe Kostako udalerriak, intzidentzia-tasa 500etik beherakoa gordeta. Hala, 5.000 biztanletik go...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun