Romoko Nagusien Etxea eraistearen kontrako mobilizazioa egin dute

Eraikina eraistearen kontra hamaika mobilizazio egin dira azken urteotan.

Adinekoen Nazioarteko Eguna aprobetxatuta, Itzubaltzeta/Romoko Nagusien Etxea eraistearen kontrako mobilizazioa egin zuten atzo dozenaka lagunek auzoan. Protestaldia Auzo Elkarteak, Eraistearen kontrako plataformak eta Ibar Nagusien Etxeak bultzatu zuten; inguruko pentsionisten elkarteek ere euren babesa eman zieten, besteak beste.

Atzo irakurritako oharra, osorik

Oso kolektibo anitza gara, 60-100 urte bitartekoa. Oso forma fisiko, osasun, bizimodu eta abar desberdinak dituzten emakumeak eta gizonak, baina gure lan-bizitza amaitu ondoren, seme- alabak bizi-kalitatea izan beharko genukeen garai batean hazi eta hezi ditugunak, gure zaletasunetara dedikatuz eta bakoitzak bere egoeraren arabera lagunez eta familiaz gozatuz. Baina errealitatea, kasu askotan, seme-alabei lagundu behar izatea da, biloben kargu egin behar izatea, eta batzuetan zuzenean miseriazko pentsioekin, alarguntasunezkoak bezala.

Zoritxarrez, berehalakotasunez eta irudiz bizi garen munduan, "Zilarrezko ekonomian" bezero izateko izan ezik, adineko pertsonok sarritan ez gaituzte aintzat hartzen. Gizarteak ez gaitu pertsona gisa balioesten, eta ez du gure jakintza eta esperientzia balioesten. Edadismoak alferrikako izakien irudi distortsionatua proiektatzen du, enbarazu eta gizartearentzako gastua besterik ez direnak. Ahots bat baino gehiago altxatu da pandemia garaian, gizarteari mesede bat egin eta hiltzen joateko esanez.

Adineko egoitzetan bizi garenok gizarteak beretzat gordetzen digun zereginaren berri ematen digu pixka bat: preso egon ezean, bistatik kanpo dauden lekuetan gordeta, normalean gaizki ordaindutako pertsonak zaintzen gaituzte, eta, nahi izan arren, merezi dugun bezala artatzen uzten ez diguten lan-baldintzekin, pertsonak bezala; putre-funtsak, berriz, poltsikoak betetzen dituzte, irabaziak diru publikoarekin ziurtatuta.

Gutako gehienok patologia bat edo batzuk ditugu, eta arreta medikoa behar dugu, baina pandemia ospetsuarekin ere ikusten dugu osasun-sistema publikoak (Osakidetzak), Lehen Mailako Arreta indartu beharrean, ia deseginda daukala, eta, beraz, ia ezinezkoa dela aurrez aurreko hitzordu bat lortzea. Gaur egun lotsagarriak dira anbulatorioetako ateetan dauden ilarak. Zer gertatuko da bihar hotzarekin eta euriarekin?

Getxon, zehazkiago, ikusten dugu egoitza bat eraikitzeko aitzakiarekin (lehen beste batzuk egon ziren) eta etxebizitza batzuk Lope de Vega 12: Nagusien Etxea eta lehengo Euskaltegi eta Kultura Gela eraikinak eraitsi nahi dituztela, Bizkaia osoan beste tokirik ez balego bezala. Egoitza forala izango bada, Aldundiak ondarea eta memoria kolektiboa eraistea beharrezkoa ez den lekua bila dezala.

EHAEOren Ondare Batzordearen iritzia, Hego Euskal Herriko Arkitektoen Elkargo Ofiziala, herriko jubilatu eta bizilagun askoren borondatea berdin zaie. Gero eta adineko gehiago daudenean, espazio txikiagoetan derrigorrean sartzeak ez du inolako zentzurik. Kontrako joera izan beharko luke, espazioak handitzea.

Ez dugu nahi urriaren batean hitz hutsalekin ahoa betetzea adinekoak goraipatuz: eraistea birplanteatzea nahi dugu, Nagusien Etxearen jarduerekin jarraitu ahal izateko premiazko konponketak egitea, auzoan bizitza egiten jarraitzeko aukera emango digun Eguneko Zentro Integrala gaitzea, eta gure gazteek eskatutako urte luzeetako Gaztetxea aintzat hartzea nahi dugu, eta, azkenik, beste kokaleku egokiago bat bilatzea, Foru egoitzaren proiektua eta alokairuko etxebizitzen zuzkidura.

Getxo, 2020ko urriaren 1a. Adinekoen Nazioarteko Eguna.

 

Erlazionatuak

Lekualdatzearen kontra agertu dira Ibar Nagusien Etxea elkarteko bazkideak

Getxo

Imanol Landa Getxoko alkateagaz bilera bat egiteko eskatu du Itzubaltzeta/Romoko Ibar Nagusien Etxea elkarteko zuzendaritza-batzordeak; horren bita...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun