Aho-sistema instalatzen hasi dira edukiontzi grisetan

© GETXOKO UDALA

Hondakin-frakzioko 574 edukiontzien (edukiontzi grisak) tapetan aho-sistema instalatzeari ekin zioten atzo, astelehenean. Muntaketa-lanek 11 aste iraungo dutela aurreikusi dute arduradunek. Areetako eta Algortako erdialdean hasi dira muntaketak egiten. Aho-mota horiek duela hilabete batzuk jarri zituzten ontzien (horiak) eta papera/kartoia (urdinak) biltzeko edukiontzietan.

Bigarren jarduera horrek 48.500 euro inguruko kostua izango du, eta 2019rako Partaidetza bidezko Aurrekontuetan jasotako eskaerari erantzuten zaio. Izan ere, herritarrek lehentasuna eman zioten edukiontzien aldaketari, eskuragarriago egiteko; eta, bestetik, bigarren jarduera horri esker, udal gobernuak EH Bildugaz 2018ko azaroan sinatu zuen hiri hondakin solidoei buruzko akordioa betetzen dela azpimarratu du Udalak, 2022an gaikako bilketan eta bereizketan birziklapenaren %50era iristeko erronkan aurrera egitea ahalbidetuko duten ekintzak inplementatzeko, Europako Zuzentarauei jarraituz.

Izan ere, 2019an hondakinen gaikako bilketaren tasa % 34,50ekoa izan zen, aurreko urtean % 31,31koa izan zen bitartean; eta horrek gero eta hurbilago jartzen du Getxo aipatutako erronka horretatik. Udalaren arabera, zenbakien hobekuntza hori, besteak beste, edukiontziak ipintzeko irizpide berriak ezartzearen ondorio izan da; izan ere, 2016. urtean 1.260 edukiontzi zeuden, eta 2020an 2.211. Hazkunde hori gaikako bilketarako edukiontzietan eman da, eta gaur egun 1.613 dira. Eta horrek Hiri Hondakinen gaikako bilketa % 13 gehitzea ekarri du. Edukiontzi zaharren ordez gaur egungoak erabiltzen direnetik eta 2019. urtearen amaierara arte, urtean 3.000 tona hondakin gehiago jasotzen dira gaika, eta urtean 29.000 tonetatik 10.000 dira guztira gaika biltzen direnak.

Erlazionatuak

Edukiontzietan aho-sistema ezartzen hasiko dira datorren astean

Getxo

Edukiontzi hori eta urdinetan aho-sistema instalatzeko lanak hasiko dituzte datorren astean. Hala, neurri batean, estalkiak eskuagaz ez ukitzeko he...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun