Bihar, eguenetik aurrera, hilaren 8an, Satistegiko begiratokia eraitsi egingo da; beraz, egun horretatik aurrera, mozketak egingo dira, eta horiek eragina izango dute oinezkoen eta ibilgailuen zirkulazioan, Portu Zaharrera sartzean edo handik irtetean. La Ola jatetxearen parean egingo dira mozketak. Lanak, Satistegi eta Chopos parkeko euste- eta urbanitzatze-proiektuaren barruan daude.
Bihar, eguenean, begiratokiko hegala desmuntatzen den bitartean, mozketak aldizkakoak izango dira eta beti obrako orduetan. Hala ere, barikutik aurrera, eta obrak aurreikusitako erritmoan eginez gero, horma eraisteari ekingo zaio, eta, beraz, trafikoa etenik gabe moztuko da eremu horretan, obrako ordutegi osoan.
Lanen ezaugarriak direla eta, ezin da zehaztu zenbat egunetan izango duten eragina mozketek kaian.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
