Antzerkia izango da protagonista Getxoko Arte Eszenikoen Jardunaldien bigarren astean

"Kutsidazu bidea, Ixabel" antzezlanagaz emango diote hasiera bigarren asteburuari. © GETXOKO UDALA

Etzi, barikuan, hilak 17, Getxoko 38. Arte Eszenikoen Jardunaldiak bere erdialdera helduko dira. Asteburuan zehar hiru antzezkizun eskainiko dira Muxikebarri zentroan eta, lehenengo asteburuan erakutsitako diziplina anitzek antzerkiari pasatuko diete lekukoa oraingoan. Euskarazko Kutsidazu bidea, Ixabel komedia dibertigarriak zabalduko du eskaintza eta horri gaixotasun mentalen mundua performance-lengoaiagaz jorratzen duen Lloviendo ranas lana eta Fernando Pessoaren bizitza eta lanaren erakusten dituen Enigma Pessoa ikuskizunak gehitu behar zaizkio.

Kutsidazu bidea, Ixabel (20:00etan) lanean, Demodé Produkzioak taldeak komedia musikaleko formatua erabili du Joxean Sagastizabalen izen bereko eleberri ezagunen istorioa publikoari gerturatzeko: gazte donostiar bat uda pasatzera joan da mendian galduta dagoen baserri batean, bere euskara hotzeko asmoz. Laster, hizkuntzen arteko desberdintasunek eta baserri-ingurunearen ezjakintasunak sortutako arazoak biziko ditu, Bertan ere  Ixabel ezagutuko du, familiaren alaba eta musikaren bitartez elkar komunikatuko dira.

Biharamunean, zapatuan,  Ados Teatroak Lloviendo ranas (20:00etan) aurkeztuko du. Horren bitartez, gaixotasun mentalei hitz egiteko orduan dagoen tabua eta arazo horri era argi irekian ekiteko beharra erakutsi nahi dute. Horretarako, taldeak bi aktore eta gaixotasun mentalaren diagnostikoa duten hiru pertsona bildu dira eszenan. Performancearen gertu dagoen lan horretan antzerki-lengoaia ez-konbentzionala eta poetika bisualez josia erabili da publikoarengana heltzeko.

Azkenik, Producciones Come y Calla konpainiak Enigma Pessoa (19:00etan) antzeztuko du domekan,  Pablo Viar getxoztarrak zuzendari eta antzerkigile duen lana, hain zuzen ere. Ikuskizunak modu poetikoan zeharkatzen ditu Fernando Pessoaren olerkari portugaldarraren bizitza. Lan hori sortzeko poetaren poemak, testuak eta gutunak bildu dira, baita bere garaiko abangoardia artistikoaren irudiak eta bere bizitzako hain bat pasarte ere, egiazko eta alegiazko egoerak ahaztu gabe, gaztelaniaz, portugesez eta ingelesez antzeztuak.

Erlazionatuak

Getxoko 38. Arte Eszenikoen Jardunaldiak abiatuko dira bihar

Getxo

Antzerki Jardunaldi ohiek izena aldatu dute aurten eta beste eszena-modalitateak hartuko dituzte, hala nola dantza, zirku-antzerkia eta diziplina-a...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun