Bihartik hasita, abenduaren 18ra bitartean, aurkeztu ahal izango dira 2020-2021 ikasturtean hezkuntzako gastu orokorretarako Getxoko Udalak aurreikusitako laguntzak eskuratzeko eskabideak. Aurten, 150.000 euro bideratuko dira dirulaguntza horietara.
Laguntzak 2020ko urtarrilaren 1etik gutxienez erroldatuta dauden herritarrek eta antzinatasun berean eskolatuta eta erroldatutako seme-alabak dituztenek eskatu ahal izango dituzte, Haur Hezkuntzako bigarren ziklotik (hiru urte) DBH mailara arte, biak barne.
Egungo egoera dela eta, eskatutako dokumentazioa, ahal dela, online aurkeztu beharko da Administrazio Elektronikoaren Bulegoaren bidez, deialdia ofizialki argitaratu ondoren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
