Eskabideak aurrez aurre egin ahal izango dira astelehenetik barikura Romo Kultur Etxean, 09:00-14:30 eta 16:00-18:00 ordutegian , eta Muxikebarriko Informazio Bulegoan, 8:30etik 14:30era. Halaber, online ere egin daiteke eskabidea, honako web lotura honen bitartez: www.getxo.eus/erregemagoak.
Erregeek bost minutuko txandetan hartuko dituzte umeak, honako leku hauetan: Areetako Andrés Isasi Musika Eskolan (urtarrilaren 3an), Romo Kultur Etxean (urtarrilaren 4an) eta Muxikebarrin (urtarrilaren 5ean), 10:00etatik 13:30era eta 16:00etatik 20:00etara. Txanda bakoitzean lau pertsona egon daitezke gehienez eta, horietara joateko, derrigorrezkoa da sarreran hitzorduaren frogagiria erakustea, paperean edo mugikorrean.
Indarrean dagoen osasun-araudia betetze aldera, Kultur Etxeak gogorarazi gura du maskararen erabilera derrigorrezkoa izango dela denbora guztian, eta baita segurtasun-tartea mantentzea ere. Gainera, sartzean tenperatura hartu eta eskuko gela erabili beharko du publikoak. Azkenik, txandaren ordua hasi baino 15 minutu lehenago bertaratzea gomendatzen da, jende-pilaketak ekiditeko eta sartzea era egokian antolatzeko.
