COVID-19aren pandemiak, besteak beste, zaintza-ereduaren eta gizarte-zerbitzuen ereduaren ahultasunak eta egokitasun falta islatu dituela deitoratu du LAB sindikatuak. Hori dela eta, beste zaintza eredu baten beharra aldarrikatu gura dute sindikatukoek: "Publikoa, unibertsala, doakoa, kalitatezkoa eta lan-baldintza duinekoa". Horretarako, elkarretaratzeak egingo dituzte bihar Bilbon eta Algortan. Azken horretan 11:00etan jarri dute hitzordua, Telletxe plazan.
LAB sindikatuak salatu duenez, gero eta gehiago jartzen ari dira gizarte-zerbitzuak, "bai eta zainketen funtzioaren aintzatespen soziala ere, benetan funtsezkoa den zerbitzu gisa".
Zaintza-funtzioaren funtsezko izaerak eta gizarte-eskaera hori bideratu behar duten erakundeek gaur egungo eredua defendatzen jarraitzen dutela deitoratu dute sindikatukoek: "Langile gutxiegi, lan-karga handiegia sortzen dutenak eta lan-arrisku ergonomiko eta psikosozialekiko esposizio handia dutenak". Horrez gainera, salatu dute egoitza-zentroak arautzen dituen 2019ko abuztuan onartutako Dekretuak ez duela egungo ratioa hobetzen: "Pandemiak eta zentroetan hartu beharreko neurriek are lan-karga handiagoa sortzen dute. Erabiltzaileek ez dute behar duten asistentzia-kalitatea jasotzen. Zerbitzua garestia da".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
