"Bazenekien Bizkaiko egoitzetan bi 120 egoiliarreko bi gerokultore daudela gaueko txandan? Bazenekien bi gerokultorek ordubetean jatekoa eta botikak eman behar dizkietela 40 egoiliarri? Bazenekien gerokultore batek 08:00etatik 11:00etara bitartean hamar egoiliar altxatu, garbitu, jantzi, gosaria eman eta oheak egin behar dizkiela?". Horrelako galderak plazaratu ditu LAB sindikatuak, gaur goizean Algortan egindako elkarretaratzean. "Pandemiak agerian utzi ditu zaintza eta gizarte-zerbitzuen ereduaren ahultasuna", adierazi dute.
Ratio desegokien ondorioz, zahar-egoitzetako erabiltzaileek behar bezalako arreta jasotzen ez dutela salatu du LABek. Erabiltzaile horietako bat irudikatu dute, ohean etzanda, "Zaintza lana aitortu" zioen pankartaren aurrean. "Langile gutxiegi eta ondorioz lan-karga handiegia" dagoela azpimarratu dute; "zaintza funtsezkoa izan arren, eskari sozial horri erantzun behar diotenek, erakundeek, temati jarraitzen dute gaur egungo eredua defendatzen". Gaineratu dutenez, arreta egokia ez bermatzeaz gain, garestia da zerbitzua.
Bestalde, salatu dute Bizkaiko egoitzak langile-kopurua murrizten dabiltzala. LABen esanetan, hala egiteko emandako aitzakia COVIDaren ondorioz babes-materialerako gastua handitu izana da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
