Azkorri Bizirik plataformak deia egin du urtarrilaren 2an bizikleta-martxa egiteko Getxoko Malakate plazatik Azkorriraino. Helburua Azkorriko naturgunea babesteko eskatzea da. Joan den uztailean, Getxoko Udala Zientoetxe inguruan eraikitzen hasi zen biribilgunearen obren aurka egin zuten, eta ildo beretik dator zapaturako deialdia.
Ibilbideak Getxoko auzo denetatik igaroko da. Malakatetik 12:00etan abiatu ostean, aurreikusita dago Areeta-Itzubaltzetako Xake plazara ailegatzea 12:25ean, eta Telletxera 13:00etan. Azkorrira 14:00etan helduko da martxa, antolatzaileen asmoak betetzen badira.
Kaskoa derrigorrezkoa izango dela ohartarazi dute, eta eskularruak eroateko gomendatu dute. Kartel honetan ikus daiteke ibilbide osoa:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
