Egindako kirol-merituak aitortu dizkiote Virginia Díaz arraunlariari, gaur goizean Getxoko Udaletxean egindako ekitaldian. Hain zuzen ere, Espainiako Batzorde Olinpikoaren (COE) domina jaso du Díazek, besteak beste azken denboraldi bietan Europako txapeldun eta txapeldunorde izan baita arraunketa olinpikoko hainbat modalitatetan. Espainiako txapelketa ere eskuratu du, denbora-tarte horretan.
Asunción Loriente Espainiako Arraun Federazioko lehendakariak eman dio domina Areetako Raspas del Embarcadero klubeko kirolariari: "Gure kirolak dituen balio guztien eredua da", adierazi du Lorientek. Viriginia Díazek, berriz, eskerrak eman dizkie bere taldeari eta erakunde publikoei, berak "egunero lan egin ahal izateko" ematen dioten babesagatik.
Urtarrilaren 10ean Espainiako selekzioagaz Bayonelesera joango (Katalunia) da Díaz, hurrengo probetarako prestatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
