Mikel Bildosola igerilariak 35 urtez gorako Europako errekorra gainditu zuen atzo, domekan, 100 metro librean. Getxoztarrak 2 ehunekotan hobetu du kontinente-mailako marka: 50,13; aurreko errekorra ere berak egin zuen, 2020ko otsailaren 29an.
Swim Camp Getxoko igerilaria den Mikel Bildosolak beste balentria bat lortu du: 35 urtez gorako Europako errekorra gainditu zuen domekan, hilaren 14an, 100 metro librean. Galdakaon egindako Master Trofeoan, Bildosolak 50,13ko denboran gelditu zuen kronometroa, aurreko marka 2 ehunekotan hobetuz. Horrez gainera, minutu batzuk lehenago, lehiaketa berean, Espainiako Estatuko errekorra gainditu zuen ere –2018ko otsailaren 3an berak ezarritakoa– 200 metro librean 1.53,41eko denbora eginda.
Europako eta Espainiako Estatuko markak hautsi ondoren, Bildosola, bere taldekideakaz batera, apirilaren 8tik 11ra Castellon (Valentzia) izango den Espainiako Master Txapelketa prestatzen ari da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
