Getxoko Kultur Etxeak ikasteko gune gehiago irekiko ditu abuztura arte

Gaur egungo osasun-egoera dela eta, Getxoko Kultur Etxeko ikas-aretoen edukiera murriztuta dago; horri aurre egiteko, maiatzaren 5etik abuztuaren 31ra bitartean, Villamonteko eta Romoko kultur etxeetako ikasteko guneak zabalduko dituztela iragarri dute udal-arduradunek.

Getxoko Kultur Etxeak jakinarazi duenez, liburutegietako ikaslekuez gain, ikasleek jarduera soziokulturaletarako dauden aretoak erabili ahal izango dituzte ohiko ordutegian, baldin eta areto horiek tokiko elkarte edo erakundeek beste erabilera batzuetarako ez badituzte eskatu. Horrela, Villamonten 26 postu berri sortu ahal izango dira gehienez, eta Romon, aldiz, 24.

Ikasteko lekuak erabili gura dituzten pertsonek liburutegietan erabilera horretarako dauden postuak bete beharko dituzte hasieran, eta guztiak bete ondoren, beste gela batzuk irekitzeko eskatu beharko dute atezaintzan. Geletako atezaintza-taldeak gela horiek banan-banan irekiko ditu, bakoitzaren gehieneko edukiera osatu arte.

Plazak aurretik adierazitako epean egokituko dira, COVID-19 prebentzioaren arloan gaur egun aretoen erabilera-baldintzak alda ditzaketen arau-aldaketarik ez badago. Kasu horretan, Kultur Etxeak araudian izan ditzakeen ondorioak aztertuko ditu bere zerbitzuetan, eta neurri egokiak hartuko ditu.

Erlazionatuak

Ikasteko gune gehiago exijitu diete Algortako gazteek Getxoko Udalari

Getxo

Algortako Gazteon Amarauna gazte asanbladak 800 sinaduratik gora batu du Getxoko liburutegiak eta ikasteko lekuak irekitzeko eskatzeko Udalari. Hor...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun