Parte-hartze izaerako aurrekontuetako zortzi proposamenak lehenetsiko dituzte getxoztarrek

Ekainaren 10etik 24ra bitartean, aurrekontu parte-hartzaileen bigarren faseari ekingo diote Getxon. Hala, egun horietan, aurkeztutako 966 baliozko proiektuetatik onetsitako zortziak lehenetsi ahalko dituzte herritarrek, bozketa bidez.

Udal teknikariek aztertu ostean, ezarritako gidalerroak betetzen direla egiaztatuta eta bat etorriz ezarritako prozedurargaz, baliozko ekarpenetatik abiatuta interes orokorreko zortzi proposamen zehaztu dira. Horiek udalerriko hainbat auzo eta hainbat arlo batzen dituzte, eta parte hartze izaerako aurrekontuen aurreko prozeduretan egin izan den moduan, Udalak gehienez milioi bat euroko partida bat gorde du parte-hartze izaerako aurrekontu horiei lotutako proiektuak egiteko.

Hautatutako proposamenak eta horiek egiteko aurreikusitako aurrekontua

Proposamena

Gastua

Parke bat estaltzea

425.000 euro

Berraktibazio soziokulturalerako programa berezia

250.000 euro

Gabriel Ramos Urangako parkea eta bidezidorrak hobetzea

125.000 euro

Kostaldeko pasealekuak hobetzea

250.000 euro

Fadurako trinketa margotu eta egokitzea

20.000 euro

Wifi sarbidea udalerriko hainbat puntutan

20.000 euro

Feminismoaren aldeko kontzientzia eta ekintzak sustatzea

12.000 euro

Udalerriko bide publikoen inbentarioa egin eta argitaratzea

5.000 euro

Nola parte hartu?

16 urtetik gora daukaten eta Getxon erroldatuta dauden pertsonek eta Udalaren erregistroan izena emandako elkarteen ordezkariek hautatutako proiektu guztiak baloratu eta puntuatu beharko dituzte (zortziak eta garrantziaren araberako hurrenkeran, beren irizpidearen arabera). Honako kanal hauen bidez parte hartu ahal izango da:

  1. Inprimakia bete eta Areetako eta Algortako Herritarren Arretarako Bulegoetan eskuragarri dauden kutxetan entregatuta, edo Fadurako kiroldegiko kutxetan, Villamonteko kultur etxean, San Nikolas liburutegian eta RKEn.
  2. Webguneko formularioaren bidez: www.getxo.eus/participa
  3. Inprimaki hori eskaneatuta bidali beharko da gobernuirekia@getxo.eushelbide elektronikora.
  4. Algortako, Areetako eta Bidezabalgo geltokien nahiz Andra Mariko kiroldegiaren inguruan jarri diren postontzietan inprimakia sartu.
Erlazionatuak

Aurrekontu parte-hartzaileen "manipulazioa" eta "informazio-falta" salatu dute Getxon

Getxo

Herritarrek gehien bozkatu dituzten proposamen batzuk aurrekontu parte-hartzaileetatik "baztertu" egin direla salatu du EH Bilduk; era berean, deit...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun