Euskotren Ligako estropadan, Arraun Lagunakek denboraldiko hirugarren garaipena erdietsi zuen atzo, domekan, Getxoko Estropaden XIII. ikurrina irabazita. Hala, sailkapenean lehenengo postuan kokatu da, Orio Orialkigaz 19na puntuz berdinduta. Atzetik, Hondarribia Bertako Igogailuak-ek Donostiarra Lacturale berdindu du hirugarren postuan, biek 11na puntu dituzte.
Eusko Label Ligari dagokionez, Zierbena Bahias de Bizkaiak denboraldiko bigarren garaipena lortu zuen atzo Getxoko Estropaden XLIII ikurrinen segundo eta erdiko distantzia irabazita Orio Orialki taldeari. Gipuzkoarrak Ohorezko Txandan nagusitu arren, ezin izan zuten bigarren txandako denbora hobetu. Sailkapen nagusiari begira, Zierbenakoek aldea murriztu dute Santurtzi T. y G. Aguadorekiko, eta hirugarren postuan dira 54 puntugaz. Go Fit Hondarribia hirugarren postuan iritsi zen atzo, eta sailkapen nagusian 56 puntu ditu; hala ere, Sotera lidergoan dago 63 puntugaz, atzokoan laugarren postuan helduta.
