Aparteko 248 diru-laguntzetan

Pandemiaren ondorioei aurre egiteko ia 325.000 euro banatuko ditu Getxoko Udalak

Artxiboko irudia.

COVID-19aren ondorio sozio-ekonomikoei aurre egiteko Getxo Ekinez programaren barruan, Udalak 324.680 euro banatuko ditu jarduera ekonomikotarako 248 aparteko laguntzen artean, diruz lagun daitekeen lehen aldiari dagokiola, hau da , 2021eko urtarrilaren 1etik maiatzaren 10era artekoari.

Zenbateko hori aurten pandemiari aurre egiteko une bakoitzean hartzen diren neurriek Getxoko negozioetan duten eragina gutxitzeko zuzendutako milioi bat euroen zati dira. Etapa horretan 257 eskaera aurkeztu dira, eta horietatik sei ukatu eta hiru enpresak atzera egin dute.

Diru-laguntzaren abonua ordainketa batean egingo da, emandako zenbateko osoagaz, banketxe-transferentzia bidez, emateko ebazpena ematen den egunetik aurrera.

Enpresa onuradunen eta sektoreen profila

Enpresa onuradunak sektore hauetakoak dira: ostalaritza; gaueko aisia, epealdian itxita egon diren egunengatik; turismoko ostatuak (hotelak eta pentsioak); mediazioko turismo enpresak (bidaia agentziak, operadore turistikoak); turismo gidariak; garraio turistikoko enpresak; turismo aktiboko enpresak; eta Getxon lizentzia duten taxiak.

248 enpresatatik, 173k eskatu dute sektorea ixteagatik eta 75ek itxiera perimetralagatik. Hurrengo sektorekoak dira: ostalaritza, 173 (%69,8); taxiak, 43; turismo zerbitzuetako enpresak, 27 (%10,9), eta ostatuak, 5 (%2). 144 (%58,1) pertsona fisikoak dira, 75 (%30,2) pertsona juridikoak, eta 29 (11,7%) ondasun erkidegoak edo nortasun juridiko propiorik ez duten bestelako elkarteak.

 

 

Erlazionatuak

Getxo Ekinez 2021 programaren bidez COVID-19aren ondorio sozio-ekonomikoei aurre egiteko 2,1 milioiko kreditua aho batez onartu da

Getxo

Getxoko Udalbatzak aho batez onartu zuen atzoko osoko bilkuran Getxo Ekinez 2021 programaren zati bat finantzatzeko 2,1 milioi euroko kreditu gehig...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun