Getxoko Emakumeen Etxea sortzeko prozesuan parte hartuko duen talde eragilea osatuta gelditu da

© GETXOKO UDALA

Getxoko Emakumeen Etxea sortzeko prozesuan parte hartuko duen talde eragilea osatu zuten atzo arrastian Getxo Elkartegian egindako lehen tailerrean. Saio horretan, azpiegitura berriak izan beharko lituzkeen balioei eta printzipioei buruz hausnartu zuten, baita hori sortzeko eta izateko helburuari buruz ere.

Prozesuak 2017an egindako hausnarketaren emaitza jasotzen du, eta kalitatezko gune bat sortzea du helburu, etorkizuneko Etxearen funtsezko alderdiei buruz hitz egiteko, partekatzeko eta elkarregaz lan egiteko, eta, aldi berean, emakumeen aniztasunari protagonismoa emateko.

Aurkeztutako taldeak udalerriaren aniztasuna erakusten duela ondorioztatu dute arduradunek, eta osatzen dute 5 emakume zinegotzik, Udaleko talde bakoitzeko ordezkariak direnek, eta udalerriko 30 emakumek, hainbat profiletakoak, tartean, adina, sexu-orientazioa, jatorria, auzoak, ikasketa-mailak, dibertsitate funtzionala, ordaindutako lanarekin edo gabe, euskaldunak, elkartuak eta ez daudenak, hainbat eremutakoak, hala nola kirola, kultura, hezkuntza, etab. Kide horiek elkarregaz sortzeko lau tailerretan parte hartzeko konpromisoa hartu dute, bi ordukoak. Hurrengoak otsailaren 3an eta 17an, eta martxoaren 3an izango dira.

Getxoko Emakumeen Etxea Benturillenako udal-egoitzan kokatuko da.

Erlazionatuak

Getxoko Emakumeen Etxearen programa definitzeko talde-lanaren prozesua martxan jarri dute

Getxo

Getxoko Emakumeen Etxea izango denaren funtsezko gaien inguruan hitz egiteko lan kolektiboko prozesu bat jarri du abian Udalak, hausnartzeko, parte...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun