Armintza utzi eta Getxora hurbilduko da eguenean 'Juanita Larando' ontzia

'Juanita Larando' ontziaren erreplika. © ELKANO FUNDAZIOA

Juan Sebastian Elkano marinel gipuzkoarrak egindako lehen zirkumnabigazioak 500 urte bete ditu; hori dela eta, bihar, ekainak 9, eguena, Armintzatik irten eta, 13:00etan, Algortako Portu Zaharrera iritsiko da Juanita Larando patatxea. Belaontzia da eta 18 marinel darama; itsasontzia euskal kostalde osoa zeharkatzen ari da, portuz portu, 30 herri inguru bisitatuz, itsas kultura partekatua zabaltzeko helburuaz. Barikura arte egongo da udalerrian.

Elkano Fundazioak bultzatuta eta hainbat erakunderen lankidetza izanda, horien artean Getxoko Udalarena, Elkano Itsas Herria kultur zeharkaldia Pasaian hasi zen joan den maiatzean eta Donibane Lohizunen amaituko da irailean. Itsasontziaren bisita osatzen dute, lurrean, erakusketa ibiltari batek eta hainbat kultur jarduerak.

Juanita Larando ontziaren harrera ofiziala –XVIII. mendeko ontzi azkar, arin eta aldakorren erreplika bat– 13:00etan izango da Portu Zaharrean. Udalerriko udal-ordezkariek eta itsas elkarteetako ordezkariek parte hartuko dute ekimenaren helburua azalduko duen ekitaldi batean.

Gure udalerrian, informazio-erakusketa Portu Zaharrean egongo da (kai-muturrean eta hondartzaren aurrean). Zenbait barrika eta olanatan itsas kulturak euskal kostaldean izan duen pisua erakutsiko dute. Bihar, hilak 9, eguenean, 12:00etatik 20:00etara bisitatu ahal izango da. Gune horretan proiektuari buruzko informazio gune bat eta merchandisingeko produktuen salmenta gune bat ere egongo dira.

Itsasontziak barikuan, 11:30ean, utziko du Getxo, eta Barakaldora joango da bere ibilbidea jarraituz.

Erlazionatuak

Elkanoren 'Juanita Larando' itsasontziaren erreplikak bisitatuko du Armintza

Lemoiz

Elkano Itsas Herria kultur proiektua euskal kostaldea zeharkatzen ari da; maiatzaren akabuan abiatu zuen bidaia, eta irailera arte iraungo du. Gaur...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun