Nazioarteko Paella Egunean Aixerrotako pinudia babesteko neurri gehiago eskatu du Getxoko Auzokideok elkarteak

Pinudia Paella Egunaren ondoren. © GETXOKO AUZOKIDEOK

Getxoko Auzokideok elkarteak jakinarazi du aurten Udalak neurriak hartuko dituela Aixerrota inguruko pinudia babesteko, hala nola inguru hori balizatzea eta "bitartekari" bat bideratzea gazteei gomendatzeko hormigoia erabili, surik egin eta zuhaitzik bota ez dezaten. "Hori ezer baino gehiago den arren", eszeptiko agertu dira elkarteko kideak, neurriok "oso eskasak" izango direlakoan.

Getxoko Udalak iragarritako neurrien aurrean, auzo-taldeek eta ekologistek urteetan eskatutako ingurumen-babesak lehentasuna izaten jarraitzen duela azpimarratu du Getxoko Auzokideok taldeak. Horren aurrean, pinudia inbadituz gero eta "Bronx" izenagaz ezaguna den eremuan hormigoizko egiturak altxatuz gero Udalaren jarrera zein izango ote den zalantzan jarri dute auzokideek.

Diotenez, Aixerrotako eta bere inguruneko zuhaizpea "ingurumen-balio ukaezina" duen eremua da, "Udalarentzat lan egin ohi duten ingurumen-teknikariek habitat gisa kalifikatua". Kontuak horrela, uste dute onartezina dela zuhaitzei, sastrakei eta lurzoruari urtero egiten zaizkien kalteak, "bai eta ehunka kilo zementu erabiliz lurzoruak duen kutsadura ere".

Gogoratu dutenez, 2017tik, Udaleko osoko bilkuraren bidez, zinegotzi independenteek eskaerak egin dituzte ildo horretan. "2018ko uztailean onartutako mozio bat ere badago, non eskatu zen Ingurumenaren Balorazio Txostena egitea, jaietarako pinudia ixtea, zementua erabiltzea debekatzea eta ingurunearekin erasokorrak ez diren eraikuntza-teknikak erraztea, hala nola mekanotuboa erabiltzea, eremu ofizialean bezala".

"Urteotan guztietan, Udalak uste izan du beharrezkoa dela pertsonen segurtasuna bermatzeko neurriak hartzea jai ez ofizialeko eremu horretan, eta hori, gure ustez, 10 urte daramatzaten ingurumena babesteko proposamenak bezain garrantzitsua da", ohartarazi du Getxoko Auzokideok taldeak.

Hori dena esanda, elkarte horretako kideek iragarri dute zuhaitzak edo lurrak berriro kaltetuz gero, Udala salatuko dutela, "balizko omisioagatik".

Erlazionatuak

Nazioarteko Paella Lehiaketaren jaiaren harira

Getxo

Lehenik eta behin, adierazi nahi dugu jaia babesten dugula eta bertan parte hartu nahi dugula, baina uste dugu beharrezkoa dela baliabide egokiak j...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun