Eraso sexisten kontrako kanpaina eta adin gabekoei alkohola saltzea ekiditeko operatiboa jarriko dute martxan Mesedeetako jaietan

Getxoko Udalak abian jarritako "Getxon planto eraso sexistei! Bakarrik Bai da Bai! Indarkeria sexistarik, LGTBIfobikorik eta arrazistarik gabeko jaien alde!" sentsibilizazio kanpaina Areetako Mesedeetako jaietan izango da irailaren 23tik 25era. Gainera, Udaltzaingoak operatiboa jarriko du martxan segurtasuna bermatzeko eta adingabekoei alkohola ematea ekiditeko.

Udako aurreko jaietan bezala, kanpainaren leloa eta irudia dituen bi totem jarriko dira Eskoletako plazan Kale Nagusitiko sarreran, eta Anaitasuna kaleko sarreran. Gainera, zapatutik domekara arteko goizaldean, 00:00etatik 03:00etara, Paulino Mendibil kaleko 9an, substantzien testing-ak egingo dira, arriskuak murrizte aldera.

Bizkaiko Foru Aldundiak sustatutako indarkeria matxistaren aurkako kanpainaren autobusa ere Kale Nagusiaren 16 zenbakiaren parean egongo da hilaren 23an eta 24an, gazteak indarkeria matxistaren prebentzioaren garrantziaz kontzientziatzeko, eta berdintasunean eta gainerako pertsonekiko errespetuan oinarritutako harremanen eraikuntza sustatzeko. Maskulinitate berrietan eta berdintasunean trebatutako mutil batzuek gizonak hausnartzera gonbidatuko dituzte, etxera bakarrik itzultzean emakumeek zergatik pasatzen duten beldurraz.

Bestalde, Udaltzaingoak, beste urte batez, operatibo bat jarriko du martxan, ahal den neurrian, istilurik gerta ez dadin eta adin gabekoei alkohola ematea ekiditeko. Aurreko urteotan bezala, operatiboan herritarren segurtasunaz arduratuko diren Ertzaintzak eta Udaleko Babes Zibilak ere parte hartuko dute. Besteak beste, polizia-taldeak jai eremutik eta inguruetatik ibiliko dira.

Bariku arrastitik, hilak 23etik, domekara arte, hilak 25era arte, adingabeei alkohola ez saltzeko eta edari alkoholikoak atzemateko zaintza berezia jarriko dute kalez eta uniformez jantzitako poliziek. Horretarako, eta baita beste era batzuetako istiluak ekiditeko ere, gaueko txandak indartuko dituzte. Alkoholemia  kontrolak ere egingo dituzte udalerriko sarrera eta irteeratan.

Gainera, jai eremuetan saltzaile ibiltariak egotea eragozteko zainduko du Udaltzaingoak, legez kanpoko jarduera izateaz gain, "tokiko merkataritzarako eragin negatiboa izan daitekeelako".

Tabernak ixteko ordutegia zabalduta

Udalerriko ostalaritzaren alde egiteko eta aldi berean herritarren atsedena zaintzeko bermatzeko oreka zaintzeko, jaietan Areetako ostalaritzako establezimenduek ordu bat eta erdi beranduago itxi ahal izango dute irailaren 23an eta 24ean, bariku eta zapatuan.

Erlazionatuak

Udari agur esan eta udagoienari ondoetorria egiteko festak, Areetan

Getxo

Mesedeetako Andra Mariaren jaiak ospatuko dituzte barikutik domekara bitartean, Areetan. Ohi den legez, askotariko jarduerak egongo dira denen goza...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun