Maria Ptqk (Bilbo, 1976) ikerketa artistikoan doktorea, Zuzenbidean lizentziatua eta Zientzia Ekonomikoetan graduatua da; gainera, teknozientziaren eta feminismoaren arteko elkarguneetan aritu da lanean. Besteak beste, honako erakusketa hauetan aritu da komisario-lanetan: A propósito del Chthuluceno y sus especies compañeras (Espace virtuel du Jeu de Paume, Paris, 2017), Ciencia fricción. Vida entre especies compañeras (CCCB Bartzelona, 2021 eta Azkuna Zentroa, Bilbo, 2022) eta Extinción Remota Detectada (LABoral, Gijón, 2022).
Horretaz gain, hurrengo Getxophoton beren lanak erakutsiko dituzten artisten izenak ere badoaz azaleratzen, eta komisario berriaren izendapenagaz batera, Maider Jimenez aukeraketa ere iragarri dute. Jimenez LENS Escuela de Artes Visuales-eko ikaslea da, eta beste eskola batzuetako 40 ikasleren artean aukeratu dute Aquí ninguén fala diso bere proiektua aurkezteko. Ikasleak LOB (Lagunik Onena Betiko) eta MAPS jardueretan parte hartzeagatik lortu du errekonozimendua.
