Uriak Ane Labaka Mayoz, Maddalen Arzallus Antia, Miren Artetxe Sarasola, Nerea Ibarzabal Salegi eta Sustrai Colina Acordarrementeria izango ditu aurrez aurre. Aldiz, Maialen Belarra Eneterreagak egingo ditu gai-emailearen lanak. Biharko saioko irabazleak zuzenean lortuko du finalaurrekoetako bigarren itzulirako txartela eta Baionan kantatuko du, azaroaren 26an.
Saiora bertaratu ezin direnek zuzenean jarrai dezakete Ilaski Serranoren eta Jon Martinen eskutik ETB4n, www.eitb.eus eta www.bertsoa.eus atarietan. Horretaz gain, domekan bertsoaldien bilduma argitaratuko dute www.bertsoa.eus atarian eta Hitzetik Hortzera telebista saioa ere eskainiko dute, 15:00etan, ETB1en.
