Bizkaiko PSE-EEko Gizarte Politiketako eta Aniztasunaren Kudeaketako idazkari eta Getxoko Udaleko Gizarte Kohesioko zinegotzi eta alkateorde Carmen Diaz izango da udalerri horretako alkatetzarako hautagai sozialista. Bere hautagaitza aurkezteko ekitaldian, Diazek azpimarratu du "gogo biziz eta erantzukizunez" jokatuko duela "eskaintzez beteriko Getxo bat eraikitzeko". Ildo horretan, bere lehentasuna pertsonak direla eta gobernatzen badakiela erakutsi dutela nabarmendu gura izan du.
Hautagai sozialistak ziurtatu du PSE-EE ez dela "abentura ezezagunen alderdia", baizik eta "konpromiso soziala, egonkortasun organikoa eta instituzionala eta herri zentzua" ordezkatzen dituena.
Era berean, iragarri du Getxoko sozialistek lan-aldi berri bat irekiko dutela, ohikoaz gain. Bertan, herritarrakaz eta kolektiboakaz bilerak egingo dituztela nabarmendu du, daborduko lantzen ari diren hauteskunde-programa lantzeko ideiarik onenak jasotzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!