Domekan, 135 lagunek parte hartu zuten Getxon egindako tokiko eta jatorri atzerriko familien arteko 11 bazkarietan, Bizilagunak ekimenaren barruan. Egizu elkarteak, Getxoko Etorkinak Federazio Plataformak eta Getxoko Udalak antolatu zuten, Eusko Jaurlaritzaren laguntzagaz.
Egitasmoaren helburua, ohi legez, izan da elkar ezagutu eta beren errealitate desberdinei eta askotan komun eta partekatutakoei buruz hitz egitea, beraien arteko hurbilketa eta ezagutza ahalbideratuz.
Guztira, 14 nazionalitateetako gizon-emakumeek parte hartu zuten, tartean, Honduras, Peru, Maroko, Ukraina, Kongo, Siria, Nikaragua eta El Salvador.
Getxokoaz gainera, EAEn ehun bazkaritik gora egin zituzten egun horretan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
