Azaroak 25

Indarkeria matxistak edozein emakumeri eragin diezaiokeela erakusteko ekintza interaktiboa jarri dute martxan Getxon

Furgoneta hilaren 28ra arte egongo da Algortan; gero, Itzubaltzeta/Romon egongo da. © GETXOKO UDALA

"Nor izango da hurrengoa?"  da Getxoko Udalak Emakumeen aurkako Indarkeriaren kontrako Nazioarteko Eguna dela eta antolatutako kaleko ekintzaren izenburua. Ekimen horregaz Udalak, desberdintasuna oinarrian duen gaitz sozial honen aurka borrokatzen jarraitzeko konpromisoa erakutsi gura du.

Eztabaida eta hausnarketa sortzera bideratutako politika publiko eta ekintzen artean, Udalak gaur informazio jarduera interaktiboa jarri du martxan, “azpimarratzeko ez dagoela indarkeria matxisten biktima den emakumearen profila, edozein emakume, edozein dela ere, izan daitekeela indarkeria horren biktima. Animatu nahi ditut herritarrak kale interaktiboko eta kontzientziazioko jarduera honetara hurbiltzera eta parte hartzera, eta, aldi berean, azaroaren 25aren inguruan antolatutako gainerako jarduerekin bat egitera, indarkeria matxistaren aurkako borrokan jarraitzeko. Eta ez naiz nekatuko errepikatzen Getxo indarkeria matxistarekiko zero tolerantzia duen udalerria dela”, nabarmendu du Amaia Agirre alkateak.

"Noiz izango da hurrengoa? " ekintza furgoneta koloretsu bat da eta barruan lau erruleta daude, biratzeko jolas bat izango balitz bezala. Baina egitea errealitate gordina agerian geratzen da, “erruletak biratuz adin, ezaugarri fisiko, gustu eta ohitura desberdinak aurkituko ditugulako, baina beti EMAKUMEA aukera markatzen duen erruleta bat dagoelako. Erakusten digu ez dagoela profil zehatzik eta emakumea izateagatik edonori gertatu ahal zaiola. Datuen eta ordezkatzen duten errealitatearen gordintasuna nabarmentzeko balio izatea nahi dugu, eta horren aurrean, indarkeria matxisten aurkako borrokan aktiboki parte hartzeko eskatu nahi dugu”, azaldu du Gizarte Kohesioko zinegotzi Carmen Diazek.

Erruleten furgoneta gaurtik hilaren 28ra arte Algortako Telletxe plazan izango da, eta azaroaren 29tik abenduaren 1era Itzubaltzeta/Romoko Santa Eugenia plazan, 12:00etatik 20:00etara, jendea sartu eta erruletak mugiarazi ahal izateko. Horren ondoren, Espainiako Estatuan aurten eraildako emakumeen datuei buruzko idatzia dago, gehi testu eta datu gehiago, esate baterako Bizkaian 2005etik 2021era izandako erasoen kopurua (46.485).

 

Erlazionatuak

Indarkeria matxistagaz lotutako delitu kopurua % 10,62 hazi da Bizkaian

Uribe Kosta

Aurten, urtarriletik irailera, emakumeen kontrako indarkeriari lotutako 2.375 delituren berri izan du Ertzaintzak, Eusko Jaurlaritzako Segurtasun S...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun