abenduak 3

Gida Bira ekimenak bertsoak ekarriko ditu Bizkaiko museoetara Euskararen Nazioarteko Egunean

Gida Bira, gure museoak bertsotan ekimenaren aurkezpen-ekitaldia. © BIZKAIKO FORU ALDUNDIA

Abenduaren 3an, Euskararen Nazioarteko Egunean, Bizkaiko Foru Aldundiak Gida Bira ekimena jarriko du martxan, lurraldeko museo eta aretoetako ondarea eta bertsogintza batuko dituen ekimena, hain zuzen ere. Besteak beste, egun horretan, Imanol Uria bertsolariak saioa eskainiko du 11:00etan, Begoñako galerietan. Saioa Liburuaren Arbola erakusketaren inguruan ardaztuko da, zeina Euskararen Etxeak ondu duen

Gida Bira ekimenak Bizkaiko museo eta aretoetako ondarea eta bertsogintza batuko ditu, bisitariei esperientzia kultural berezi eta erakargarri bat luzatzeko helburuagaz; hain zuzen, abenduaren 3an eta 4an, goizez, museo eta aretoetan, bisita gidatuak bertsolarien parte hartzeagaz egingo dituzte. Hala, bertsolariek haien ekarpen oparoa egingo diote gidarien diskurtsoari, bisitarien gozamenerako.

Ekimena Bizkaiko Foru Aldundiak kudeatzen dituen honako tokitan egingo da: Bakioko Txakoli Museoa-Txakolingunea, Balmasedako La Encartada Fabrika-Museoa, Bermeoko Arrantzaleen Museoa, Bilboko Arkeologi Museoa, Bilboko Ondare Aretoa, Bilboko Rekalde Aretoa, Gernikako Euskal Herria Museoa, Kortezubiko Santimamiñe, Muskizko El Pobaleko Burdinola Museoa eta Euskararen Etxeak antolatutako Liburuaren Arbola erakusketaren inguruan, Getxoko Punta Begoña Galerian.

Bisita gidatuetan parte hartzeko izena eman beharko da. Horretarako, ezinbestekoa da museo edota areto bakoitzagaz harremanetan jartzea. Informazio guztia www.bizkaikoa.bizkaia.eus eta www.euskararenetxea.eus webgunetan.

Erlazionatuak

Begoñako Galeriak protagonismoa bereganatzen doaz Getxoko erakusleiho kultural eta historiko gisa

Getxo

Berritze-prozesuan dauden ondare historikoko monumentuetan indarra hartzen ari den "obrengatik irekita" bisita gidatuak egiteko kontzeptuari esker,...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun