Itzubaltzeta/Romoko Errekagane kaleko zelaiko zuhaitz guztiak moztu dituztela salatu dute

Herri-ekimeneko kideek bidalitako argazkia, Errekanaganeko inguruaren egunotako egoera erakusteko.

Duela bost urte erre zen Itzulbatzeta II gaztetxea zegoen zelaiko zuhaitzak moztu dituztela jakinarazi dute eremua berreskuratzeko lanetan ari ziren auzokideek. "Ia sei urte utzita egon ondoren, herri ekimen baten bitartez garbiketa- eta antolaketa-lanak egin ostean, Getxoko Udalak lekuari nortasuna kentzeko helburuarekin zuhaitz guztiak bota ditu", adierazi dute. Halaber, gogoratu dute abenduaren 8an, 10:00etan, inguru horretan auzolana egiteko deialdia egin dutela.

Gogoratu beharra dago irailean lursaila garbitzen ari ziren hainbat lagun identifikatu zituela poliziak. Une horretan, herri-ekimeneko kideek agenteen jarrera salatu zuten eta iragarri zuten prest zeudela lanean jarraitzeko herritik eta herriarentzat eraikitzen diren guneak lortze aldera.

Erlazionatuak

Itzubaltzeta/Romoko Errekagane kaleko lursail bat garbitzen ari zirela hainbat auzokide identifikatu dituztela salatu dute

Getxo

Orain bost urte erre ziren Itzubaltzeta/Romoko Errekagane kaleko pabiloiak hartzen zituen lursaila garbitzera eta tokiko zuhaitzak inaustera hurbil...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun