Itzubaltzeta/Romoko Errekagane kaleko lursail bat garbitzen ari zirela hainbat auzokide identifikatu dituztela salatu dute

Garbitzen ibili diren Errekaganeko lursaila. Argazkia: Herri-ekimeneko kideek bidalitakoa.

Orain bost urte erre ziren Itzubaltzeta/Romoko Errekagane kaleko pabiloiak hartzen zituen lursaila garbitzera eta tokiko zuhaitzak inaustera hurbildu dira egunotan auzoko hainbat lagun. Lan horretan ari zirela, polizia hurbildu eta horiek identifikatu dituztela salatu dute. Horren aurrean, herri-ekimen horretako kideek azpimarratu dute ez dutela onartuko indar errepresiboek euren auzoko egunerokotasuna markatzea, eta iragarri dute prest daudela lanean jarraitzeko herritik eta herriarentzat eraikitzen diren guneak lortze aldera.

Bost urte igaro dira Itzubaltzeta/Romoko Errekagane kaleko pabiloiak erre zirela, tartean Itzubaltzeta II gaztetxea zegoela. Tokia utzita egon da ordutik eta, ingurua garbitze aldera eta bertan dauden zenbait zuhaitz inauste aldera, hainbat auzokide hurbildu ziren lekura joan den astelehenean, irailak 19. Beharrotan ari zirela, udaltzainak agertu eta bertan zeuden 10 lagunak identifikatu zituztela salatu dute herri-ekimen horretako kideek. Martitzenean ere berriro ekin zioten lanei, eta, oraingoan ere, udaltzainak eta ertzainak hurbildu zitzaizkien, "modu erasokor eta mehatxatzaile batean", eta hiru ekintzaile identifikatu zituzten.

Martitzen horretan, ekintzaileek azaldu dutenez, poliziek Cespa enpresa deitu zuten, "eserleku batzuk egiteko eta ingurura sartzea erraztuko zuten eskailerak egiteko eraman ditugun egurrezko taula batzuk bertatik ateratzeko".

Horren aurrean, ekimen horretako kideek argi utzi gura izan dute ez dutela onartuko indar errepresiboek euren auzoko egunerokotasuna markatzea, eta azpimarratu dute prest daudela lanean jarraitzeko herritik eta herriarentzat eraikitzen diren guneak lortze aldera. "Horrela, adierazi nahi dugu gaztetxe zaharraren orubeak Romoko topaleku izaten jarraitu behar duela".

Erlazionatuak

Sutea izan da Itzubaltzeta gaztetxe zaharrean

Getxo

Itzubaltzeta/Romoko Errekagane kalean dagoen eraikin zaharrak su hartu du gaur goizean. Getxoko Udaltzaingoa Itzubaltzeta gaztetxea zen gunera bert...
Errekaganeko pabiloien etorkizuna erabakitzeko bilerak egiten dabil Getxoko gobernu-taldea

Getxo

Itzubaltzeta/Romoko Errekaganeko lurzorua eta pabiloien etorkizuna erabakitzeko egunotan egiten ari den batzarren berri eman du gaur Getxoko gobern...
Getxoko Udalbatzak 95.000 euroko kreditua onartu du Errekaganeko pabiloiak berritzeko

Getxo

Getxoko Udalak 95.000 euroko kreditua onartu du Itzubaltzeta/Romoko Errekaganeko pabiloien berritze-proiekturako. Horren alde agertu dira EAJ, EH B...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun