Ukrainan Gabon ortodoxoak ospatzen dituzte eta, hori dela eta, gurean baino 13 egun beranduago hasten dituzte ospakizunak, hau da, urtarrilaren 6-7an. Gainera, Kulyk-ek gogoratzen duenez, Ukraina Sobietar Batasuneko kide zenean estatu ateoa zen, eta, hori dela eta, jai garrantzitsuena abenduaren 31n izaten da, urteari amaiera emateko eta berriari ondoetorria egitekoa.
Afariak egiten dituzte bi datetan, abenduaren 31n zein urtarrilaren 6an, eta opariak banatzen dituzte lehenengoan: "Gurean, Ded Moróz-ek (Aitona Hotza) ekartzen ditu", diosku. Urteko azken gau horretan, erlojuak gauerdiko 12ak jotzen dituenean cavaz beteriko kopakaz topa egin eta ondokoak zoriontzen dituzte. Apaingarriei dagokienez, gurean bezala, argiak, zuhaitzak eta jaiotzak jartzen dituzte, eta jendartean kantatzeko ohitura dute; Shchedrik izeneko Gabon-kanta abesten dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!