Ernaik amaiera eman dio urtebete iraun duen bere 4 Kongresuari, eta "Lorbide" izena daraman ponentzia politiko berria aurkeztu du. Leixuri Torrealdai eta Irati Trebolazabala, eskualdeko Ernaiko kideek azaldu dutenez, testuinguru global nahasi baten aurrean eta kapitalismoaren krisi garaian, gazte antolakundeak Euskal Herriaren independentzia eta euskal gazteriaren defentsa jarri gura ditu bere jardunaren erdigunean. Era berean, nazio erronkei anbizioz erantzuteko eta prekarizazio prozesuaren aurrean alternatiba integral, sozialista eta feminista eraikitzeko hautua berretsi dute, antolakundea herriz herri zabaltzeko konpromisoagaz.